där Summär in Baadu

Där Summär isch äntli nach Baadu cho
uf Mattä, Hubla, Wald und Alpä gseehsch nu
scho

fär di paar verblibnu Baadner-Püruliit
is zwar än härti und än schweeri Ziit
wän d's Heib uf allu Mättä plangut
und mängs Gwittär am Himmil hangut
wän Blüömu- und Holdärnuduft
versiessut und wirzut di güöt Baadnerluft
fär mängum abär is di verdienti Feeriuziit
und mängä Turischt chunt vo ganz wiit
um iischä Summär chännu z'gniessu
mit dum ä "Griezzi" tüöt er isch griessu
tie wär doch iischi Summärsunnu
va Herzu oi allu Främdu gunnu
à Jodil, än Jütz frisch va Herzu gsungu
ubärall Verliebti äng umschlungu
im Wald, im Bad, uf där Schtraass und uf där
Weid
so gniesst mu du Summär vollär Luscht und
Freid