der erscht Schnee
äs
Giiferli Schnee isch gfallu
der Winter mäldut a schiini Ziit
ha värgässu z'Gräppi a z'schnallu
drum bin i uf's Fittlu ghitt
der Tschäbil
tüöt afa gschwellu
der Tschaaggu tüöt mer weh
ohni z'Gräppi han i's ja wellu
probieru mit dum erschtu Schnee
ja ich tummä
Naari
zieh d'Lehr jätz us däm Fall
ich nimmu jätz z'Gräppi, wie d'Haari
wänn i üsgah, oi nur bis zum Schtall