Ziit ha
wänn
du richtig lüögscht
so märkusch oi
wie immär di Gschiidru
du Gmietlichu üswiichunt
sicher niit z'Kuntereer
fasch wie die Prässantu
Angscht hätti
vor du Versüümära
wa ja doch nur
dur iru Gmietlichkeit
jedäs unnitz Ubärhaschtu
in Fraag schtellunt
jedä hät
abär nur
und cha nur
schiini Ziit brüchu
nach schiinär Fassong
So lee wär
iisch doch zum wenigschtu
no di Ziit
gnüög Ziit z'ha
fär isch sälbär